...ekki nema tíu krónum...

...ekki nema tíu krónum á líterinn!

Halló! Við sem eltum uppi túkall ódýrara bensín eða fimmkall ódýrara bensín... 

... okkur munar um 550 krónur þegar fyllt er á fákinn! Ekki nema 10 kall... Ég er bara enn að ná þessari skoðun Más á hvað þetta er nú lítilfjörleg tala í hans augum og við ættum greinilega ekki að vera að velta okkur uppúr því  Dream on Már... eða vaknaðu.

Bensínið ætti að vera ódýrara

Holiday Heart... My Dicky Ticker...

Látum okkur nú sjá. Ég datt í það. Allsvakalega. Vinnan bauð í partý og ég var til í að lyfta glasi eða tveim... Er ekki þekkt fyrir að detta í það en ég veit ekki hvað greip mig... einhver púki eða djammfílingur. Allaveganna þá var bara eins og ég ætti engan "off" takka þetta kvöld. Hvítvínið rann ljúft niður.

Hvað gerðist? Jú, ég hlustaði samúðarfull á einhvern verktaka sem missti konuna sína fyrir hálfum mánuði...fannst hann furðu rólegur þegar hann ræddi þetta svo ég veit ekki hvort þetta var einhver lygi eður ei. Ég dansaði stíft við vinnufélagana... Ég hló og skemmti mér alveg konunglega. Það verða allir svo fyndnir á sjötta glasi ekki satt? Átti nokkra trúnó við vinkonur á vinnustaðnum... Veistu hvað mér finnst þú æðisleg... fílingurinn. Ennívei, á maður ekki að vera heiðarlegur í blogginu?

Allt saklaust og meiddi engan.

Svo kom morguninn ljúfur og fagur. En ég sá hann ekki. Ég hékk yfir klósettinu og skúringafötunni. Það var mikið að gera hjá mér við að skila öllu þessu víni aftur til baka.

Á slaginu 11 gerðist það. Hjartað hrökk úr takti. Fiðrildaher tók sér bólfestu í brjóstkassanum og ég vissi að ég var komin úr takti. Taktleysið leið ekki hjá og ég hringdi því í lækni og sú stefndi mér niður á bráðamóttöku. Ég mætti og var sett í línurit.

-Það eru til tvær algengar tegundir af taktleysi, sagði Ardís hjúkrunarfræðingur,  -óregluleg regla og regluleg óregla.

Ég var með hvorugt. Ég var nefnilega með óreglulega óreglu. Einmitt. Ef það er eitthvað óvenjulegt eða öðruvísi þá er það merkt mér. Á fínu máli heitir þetta Atrilala Atrial Fibrilation (AF). AF í bland við alkóhól = Holiday Heart.

 Holiday Heart... þanebblega þa...

Fyrir þá sem nenna að skilja fræðilega partinn þá er engin P bylgja til staðar í svona ástandi. Efri hólf hjartans slá óreglulega því rafboðin eru í rugli.

Hvað var gert? Jú, eftir nokkrar klukkustundir var ljóst að ég var ekki að greiða úr þessu sjálf og því fékk ég eitthvað lyf. Það virkaði ekki. Þá fékk ég að fara heim í leyfi yfir nóttina. Mæting í fyrramálið í rafstuð. Jess, bara stuð. Nema mér tækist að hrökkva í taktinn fyrir þann tíma.

Á slaginu kl. 23.00 tók ég eftir því að allt í einu var komin ró yfir hjartað. Ekkert brokk eða fiðrildi. Allt var komið í lag.  Þegar ég mætti í morgun var tekið línurit til að staðfesta að þetta væri liðið hjá. Mjög ánægjulegt að heyra að P bylgjan væri mætt á sinn stað . 

Semsagt kæru vinir. Ég drekk ekki alkóhól í bráð... ef ég drekk það nokkurn tímann aftur.

Það er algjör óþarfi að bjóða hættunni heim. Finnst ykkur það ekki? Ef ég fæ svona Holiday Heart aftur þá má ekki líða meira en sólarhringur án þess að eitthvað verði gert því þá fær maður allskonar blóðtappa og læti. Nenni því nú ekki. Lífið er of dýrmætt til þess.

Nú er eigimaðurinn náttúrulega kominn með bílstjóra fyrir lífstíð þegar glatt er á hjalla. Hann er ekki enn búinn að fatta það. Hann er bara svo feginn að ég drapst ekki .

Vertu velkominn vetur!

Og ég hlakka til...

... að labba í marrandi snjónum

... kyrrðarinnar sem kemur með snjóhjúpnum

... að hjóla á nagladekkjunum

... birtunnar þegar allt er hvítt

... stærðarinnar lufsu-snjókornanna

 

...en það var nú samt geðveikt gaman í sumar...

Fannst þér það ekki Amy?

Amy? AMY? Svaaaakalega hafa eiturlyfin farið illa með þig....

 

 

 

 

 

En ykkur? Fannst ykkur ekki gaman litla danska fjölskylda?

 

 

 

 

 

 

Mér fannst gaman.

 

Nei. Ég nennti ekki að Photosjoppa undirhökuna burtu. Höfum það eins og það er!

 

Mamma, ég þarf að fá nýjar linsur!

Sonurinn var alveg harðákveðinn í því að nú þyrfti að drífa sig með hann til augnlæknis sem allra fyrst. Hann sæji bara hryllilega illa með linsunum.

-Guð, er það? sagði ég og reiknivélin sagði bara ding ding ding í huganum þegar ég fór að leggja saman kostnaðinn.

Nýjar linsur, pottþétt komnar yfir 20 þúsund kallinn í dag.

Ný gleraugu, rúmlega 30 þúsund kall.

Hey, bara 50 þúsund? Bara? Leyfðu mér að ná andanum...

-Já, ég panta tíma á morgun þá, sagði ég veiklulega og velti fyrir mér hvort Visa rað væri skásta.

Næsta morgun fór ég inn á bað til að setja í mig linsurnar.

Í veiklulegri tilraun til að fríska uppá baðið fyrst eftir að við fluttum inn þá setti ég inn hillu með sjávarþema.Hvernig finnst þér? Já. Þetta. Safnar. Miklu. Ryki. Sem. Ég. Nenni. Ekki. Að. Þurrka. Af.

 

  Hillan var ekki í fókus þar sem ég var ekki enn komin með linsurnar í augun. Já....

 

 

 

 

...áfram með smjörið..... og söguna.

Ég var komin inn á baði til að setja í mig linsurnar.

Ha?

Af hverju var boxið mitt tómt? 

Engar linsur, enginn linsuvökvi. Bara eins og ég hefði ekki tekið þær úr mér í fyrradag. 

Bara eins og einhver hefði.....

-Haukur.

-Já.

-Hvað gerðirðu við linsurnar þínar sem voru orðnar of daufar?

-Henti þeim.

-Hentirðu þeim!?!

-Já þær voru svo óþægilegar og svo þarf ég nýjar. Ég er hættur að sjá með þeim! 

-Hvernig var linsuboxið þitt?

-Hvítt.

-Já einmitt. Eins og mitt. Jahá já. En þetta hér? Þetta skítuga box sem er alveg eins og glænýja boxið mitt sem ég setti linsurnar mínar í, í fyrradag? Ha? Þetta með þessum linsum í?

-Ó.

En........ Drengurinn var bara með - 2 linsurnar mínar í stað -3 linsurnar sínar. Kræst. Sjónin er semsagt óbreytt í bili.

Og ég þarf ekki að eyða 50 þús.

Hjúkket.

Jú, ég er búin að merkja nýja fína linsuboxið mitt allkyrfilega takk. 

Svei mér þá....

...ef ég læt mig bara ekki hafa það að eyða nokktum hundraðköllum í að kaupa sunnudagsmoggann!

Dorrit er æði.

Mér er sama hvað öðrum finnst.

Hún er klár, fáguð, fyndin og Íslendingur. Hver er ekki sammála henni með útrásina á íslensku handverki?

Dorrit bjartsýn á framtíðina

Einfalt mál?

Jæja.

Er að þræla mér í gegnum skýrsluna til að vera vitræn í umræðum um fjármál bankanna sem fóru á hausinn. Guð minn góður, þetta er ekki auðvelt. Mér sýnist þetta vera svona.....þið þarna fjármálaspekingar leiðréttið mig ef ég er út úr korti!

Eigið fé bankanna var nánast á pari við skuldir.

En..... skýrsluhöfundar benda á að eigið fé í erlendri mynt  hafi verið miklu minna en skuldirnar í erlendri mynt (inneignir viðskiptavinanna), Fig.1

Lánadrottnar erlendis lána bönkunum í góðri trú að lánin verði endurgreidd. Hvað gerist ef þeir fara að efast? Við hvað er miðað?

Áhættumat (CDS) á íslensku bankana var samkvæmt upplýsingum frá Seðlabanka Íslands... 

Ókei, lélegar myndir. Reynd þú að gera betur!

En áttum okkur á því hvað svona línurit er að segja.

Það segir að í febrúar 2008 hafi allt traust fjármálaheimsins á íslensku bönkunum verið horfið.

Hvernig dettur mér það í hug?

Jú, ég las skýrsluna sem Tryggvi Herberts skrifaði fyrir Verslunarráð Íslands árið 2006.

Sjáðu til, við 500 stig (bps) er allt traust horfið segir TH.

Skýrsluhöfundar Iceland skýrslunnar segja að þetta sé með því hæsta í heiminum sem sést hér að ofan og segja til samanburðar hafi íslenska krónan verið metin í júlí s.l. á 270 stig.

Semsagt þess vegna (?) lokuðust erlendar lánalínur... en miklu fyrr en við héldum. Munið... innistæður viðskiptavina (skuldir bankanna) voru mest megnis á erlendum reikningum. Þegar þú treystir ekki bankanum þá viltu fá peningana þína og það strax! Peningar streyma út og peninga-heildsalarnir þínir (lánadrottnar) eru búnir að segja loklokoglæs.

Þá veistu það. Bankarnir voru ekki lengur áhættunnar virði, hættu að fá lánaða peninga til að geta rúllað áfram með viðskiptin. Þegar lánin hættu að streyma inn var ekki lengur hægt að borga út því að þeir sem skulduðu bönkunum voru ekki að greiða sínar skuldir. Jú, eitthvað var það sem olli því að CDS hækkaði í sífellu.

En eitt í viðbót. Útrás bankanna hélst í hendur við útrás annarra fyrirtækja. Hvað gerist ef þau fá lánað en borga ekki? 

Innistæður -> Taka peningana út

Lánadrottnar -> Lána ekki lengur

Skuldarar -> Borga ekki af skuldabréfum

Nó mor monní for ðe banks.

Svona bæ ðe bæ... Einhver laug því að mér að herra Grænn hefði reynt að kaupa skuldir Stál-Hringsins á 5% virði fyrir Jón Násker. Hmmm...Bankinn lánaði 100% en fær bara 5% uppí. Skuldarinn fær skuldabréfið aftur í hendurnar. Fékk því 100% peninga en endurgreiddi bara 5% af þeim. Hmmmm.....?

Hey, kommon... Egill.... Egill.... það er ekki rétt er það?

Fjármálaúttekt Sigríðar er lokið.

Fáð'ér köku...

Rakst á frábæra kökusíðu.... Cake Wrecks

Til hamingju með 14 ára afmælið 'skan...

 

Smekkur manna / foreldra er misjafn

 

 

 

 

 

 

 

 Þessi kaka kemur á óvart........ Minnir mig á eitthvað.....Hvað er það aftur?

 

 

 

 

 

 

 

 Já auðvitað! Einmitt það sem mér datt í hug...

 

 

 

 

 

 

 

 

 

 

Það eru ekki allir með sama smekk... Ég get alveg lofað þér að þetta hefði mér aldrei dottið í hug...

Hvað er málið?

Eða þessi hér? Hvað er að? Er ég sú eina sem missti matarlystina?

 

 

 

 

 

 

 

 

Svo fann ég myndir af nokkrum þar sem starfsfólkið í bakaríinu hefur ekki alveg verið með á nótunum þegar pöntunin var lesin...

 

.... and a black high heel

hill... heel... what's the diff?

 

 

 

 

 

 

Á pöntunina hafði verið skrifað...

Write "Welcome" on it

 

 

 

 

 

 

 

Ég skellti uppúr þegar ég sá þessa

 

-Setjið á hana ólympíu hringina...

 

 

 

 

 

 

-og það sem þú átt að skrifa er.....

 

Best wishes Suzanne

underneath that....(þar undir)

We will miss you

 

 

 

 

Í lokin er kaka sem eiginkonan sá ástæðu til að panta... ... handa eiginmanninum... þið vitið það stelpur að þetta er náttúrulega gullið... og því ástæða til að fagna þegar gullið fer undir hnífinn svo eiginkonan fari ekki í miklu stærri aðgerð til að ná sama árangri.

 

 

Congratulations on your Vasectomy Pete

 

 

 

Namm. Mig langar í köku.

Hvernig stafarðu banana? og Horklessan

Stundum rifjast upp fyrir mér atvik úr skólagöngu minni. Augnablik sem líma sig í minninguna.

Annað atvikið gerðist þegar ég var í 12 ára bekk. 

Við vorum í enskutíma hjá Bjarna harðfisk. Ég kallaði hann alltaf harðfisk í huganum því að hann lyktaði af harðfisk þegar hann talaði og í munnvikunum héngu alltaf hvítar (skyr-?) leifar.

 

 

 Í minningunni var Bjarni svona.

 

 

Það var próf. Þýða úr íslensku yfir í ensku.

Ég var voða vinsæl í þessum tíma. Ástæðan var að ég hafði eytt einu skólaári í Skotlandi og talaði reipbrennandi ensku. 

Gat skipt á milli götuskosku og hástéttarensku á no-time. -Dinna nó eða -I don't know, allt eftir því hver var viðmælandinn. Bara til að þú vitir hvað ég er fjölhæf.....hehehe.....

Skólabróðir minn snýr sér að mér og hvíslar ákaft eftir hjálp á einu orði sem þarf að þýða.

-Sigga, Sigga! hvíslaði hann lágt.

 

-Hvernig Skrifar Maður Banani Á Ensku?

 

-Banana

 -Já banana

-Nei, það er Buh-Ah-N-Ah-N-Ah

 

 

 

 

 

 

-Jaaaá!

Þessi skólabróðir minn er skólastjóri í dag. Vonandi hefur hann slípast til í enskunni.

 

Hitt atvikið gerðist þegar ég var komin í menntaskóla.

Við vorum í prófi og yfirsetumaður var mjög þekktur einstaklingur í þjóðfélaginu. Hann hefur gefið út margar bækur og klífur oft á fjöll.

Allir voru niðursokknir í prófið en auðvitað var athyglin ekki alltaf á blaðinu. 

Yfirsetumaðurinn var með bindi.

Var alltaf voða fínn í tauinu en reyndi jafnframt að vera voða gæji.

Töffari. Með Bindi. Það var Ekki að Virka.

 

 

 

BindaTöffarinn boraði í nefið. Meðan hann sat yfir okkur. 

Leitaði langt upp í nef. Dró út fingurinn.

Hvað hékk á fingrinum?

Stór slumma. 

Stór hor slumma.

Nú voru góð ráð dýr.

Hann var langt frá borðinu, ekki gat hann gengið þangað með slummuna á puttanum.

BindaTöffari labbar ekki á milli borða með græna slummu sem slæst til.

Hvað gerði hann?

Jú.

Hann losaði sig við hlassið aftan á bindið.

 

 

 

 

 

Það mátti heyra nemendur kúgast víðsvegar um stofuna.

For whom the bell tolls

Lesist með dimmum og drungalegum róm...... 

.....Maður bara veit aldrei og því komst ég svo sannarlega að í gærkvöldi!

Ég var í saumó.

 

Þetta er mynd af mér, Guðrúnu og Halldóru

 

Við erum svo penar þegar við mætum í saumó

 

Veit ekki af hverju við köllum þetta ennþá saumó. Það er enginn sem saumar í þessum saumó.

 

Sver......

 

Það kemur á óvart ekki satt?

 

Í gærkvöldi mætti ég til Halldóru en hafði verið bitin af starrafló rétt áður en ég fór af stað.

-Starrafló? sagði eiginmaðurinn. -Þær eru ekki á þessum tíma. Mér finnst það nú ótrúlegt.

-Jæja?! sagði ég sigrihrósandi og rétti fram handlegginn. -Sjáðu! Hér eru þrjú bit! Sko!

Eiginmaðurinn, sem hefur verið giftur mér í 18 ár, hafði vit á því að fara ekkert lengra með þessar samræður.

Ennívei.

Þið munið eftir þessu atviki? Einmitt.

Starraflóarbitin fóru að ágerast í saumó. Mikið var þessi fló iðin. Bitin voru orðin mörg, farin að safnast saman í heila flekki og flekkirnir farnir að verða að bólguhellum.

Útbrotin færðust upp eftir handleggjunum og þá laut ég í lægra haldi fyrir þessu öllu saman.

Ég viðurkenndi fyrir sjálfri mér og öðrum í saumó að líklega væri ég með eitthvað ofnæmi.

Enda allt í lagi að viðurkenna það.... ég var búin að borða! Geðveikislega góður matur eins og alltaf. 

 

Snjó kyngdi niður og ég á kódjakk dekkjum.Keyrði á 30 niður á slysó. Bjó til alls konar senur í huganum......

.....-Já 112, get ég aðstoðað?

-Ég..... umla og mumla.... -er í bíl.... skruðningar... -á Miklubrautinni... snjór.... bráðaofnæmi.... finnið mig!

 

Það gerðist ekki. Sem betur fer var enginn að bíða niðri á slysó, ég komst inn strax. Fékk lyfjakokteil sem rotaði mig. Eins gott að þau vildu halda mér yfir nótt, ég hefði sofnað á leið heim við stýrið.

Útskrifuð í morgun en VITIÐI HVAÐ?!

Núna.... ég legg áherslu á núna er ég líka með ofnæmi við einhverju sem enginn veit hvað er. Líklega einverjum mat. En ekkert sem ég borðaði í gær var eitthvað nýtt.

Æðislegt!

Not!

Nú þarf ég að ganga með helv.... sprautuna á mér við hvert fótmál.

Má aldrei gleyma sprautunni....

 

 

 

Og...... Hryllingur alls sem hryllilegt er......

.....gæti lent í því að einhver ókunnugur þurfi að fletta niður um mig og stinga í es-ið.

 

Hvað ef ég er ekki í glænýjum, ónotuðum og vellyktandi nærbuxum?

Hvað ef ég verð aftur í götóttum sokkabuxum sem hefði átt að vera búið að henda?

Hvað ef?

 

Kalli kanína

Kanínur eru krúttlegar. 

 Ég man eftir kanínunum sem hún Jenný átti. Jenný passaði mig eftir leikskólann og labbaði með mig heim. Ég elskaði að fá að koma við heima hjá Jenný því að það var æðislega gaman að gefa kanínunum kál.

 

 

 

 

 

 

 

 

 

 

 

 

Mér finnst kanínur ennþá krúttlegar. Rekst stundum á þær í Reykjalundarskóginum.

 Algjört kvúttípútt. Kanínur.

 

Þess vegna get ég ekki borðað kanínukjöt. Ekki einu sinni þótt kanínukjötið sé dulbúið í einhverri kássu. Gengur bara ekki upp. Það er sálfræðileg bremsa sem veldur því að ég kúgast.

Krítverjar eru ekki sammála mér.

 

 

 

 

 

 

 

 

 

 

Þeim finnst kanínukjöt mjöööög gott. Sko litlu hvítu lappirnar.

 

En lystugt. Kjötkaupmaðurinn fór í auglýsingasálfræði 101.

Væntanlegir kaupendur fá á tilfinninguna að kanínan sé svo ljúffeng að hún hoppar upp á diskinn.

 

 

 

 

 

 

 

 

 

 

mmmmm..........ooooojjjjjjj

Afsakið meðan ég kúgast.