Jólagjafainnkaup Lokakafli

Ókei. Þetta hafðist fyrir rest. Eins og sjá má. 

 

 

 

 

 

Í nærmynd...

 

 

 

 

Tréð var skreytt í gærkvöldi.

Óvenjuseint en allt í lagi með það . Í ár var þemað eins og alltaf að skreyta tréð með því sem okkur þykir fallegt. Þetta er bara ágætt ekki satt?

 

Á trénu er eitt skraut sem ég man eftir frá því ég var pínulítil. Þetta er skraut sem hræddi líftóruna úr mér!

 

Amma keypti skrautið í Rússlandi og þetta er eflaust myndgerving einhvers ævintýris... En mig hryllti við því.

Hræðilegar klær á draugalegum kofa og svartur köttur þarna hjá. Sjáðu. Hvað finnst þér? Spáðu í klærnar... Hryllilegt. Og alltaf á jólatrénu... ár eftir ár.

Ég get ekki annað en haldið hryllingnum áfram .

 

Gleðileg jól öll sömul.

Hafið það gott yfir hátíðirnar.

Knús frá mér til þín sem lest þetta.

 

 

Athugasemdir

[Erna Hákonardóttir Pomrenke, 26.12.2008 kl. 19:21]

Gleðileg Jól. Er þetta ekki bara Hans og Grétu hús? Mér finnst þetta nú rosalega flott og sennilega verðmætt skraut. Er kúlan við hliðina líka frá Rússlandi? Gaman þegar það er einhver saga á bak við skrautið.

[Sigga Hjólína, 27.12.2008 kl. 02:14]

Jú! Skörp í þér sjónin . Kúlan við hliðina er líka frá Rússlandi og fékk að fljóta með í fyrsta sinn síðan hún kom heim til mín (20 ár). Þetta er eiginlega einhvers konar vínberjaklasi með snjó. Veit ekki hvaða ævintýri hún á að tákna. Skreytingarmeistararnir mátu hana fallega í ár .