Skólabókardæmi...

...um hvernig skal skrifa frétt þannig að enginn nenni að lesa, hvað þá heldur skilja.... þvílík talnasúpa.

Yfir 220 milljörðum varið til félagsverndar

Áfengi og unglingar

Vinur okkar hjónanna sagði frá reynslu sinni að eiga ungling í Danmörku. Grunnskólinn sem unglingur heimilisins var í boðaði til fundar með foreldrum og 15 ára gömlum unglingum þeirra. Þar voru mættir kennarar, áfengisráðgjafi, unglingar og foreldrar. Allir þ.e. kennarar, foreldrar, unglingar og áfengisráðgjafinn sátu saman yfir bjór og ræddu hvernig best væri að haga drykkju unglinganna. Að lokum var áfengisráðgjafanum þakkað fyrir að mæta og halda fyrirlestur. Hann var leystur út með kassa af rauðvíni. Halló! Síðan hvenær leysir það drykkjuvandamál unglinga að drekka með þeim? Að kaupa handa þeim? Eins og það stjórni drykkju þeirra.... Er það nema furða að Danir horfi til okkar þegar taka skal á áfengisvandamáli þjóðarinnar?

Jón Ásgeir Sigurðsson

Pabbi minn dó eftir snarpa baráttu við briskrabbamein. Hann greindist í maí og dó nákvæmlega 3 mánuðum síðar. Það er svo skrýtið að eftir að hann dó þá áttaði ég mig á því hvað hann var rosalega góður pabbi. Til að fyrirbyggja misskilning þá auðvitað fannst mér hann góður pabbi meðan hann var á lífi en þegar hann er horfinn þá finn ég svo sárt fyrir því sem vantar, eitt af því mörgu sem gerði hann einstaklega góðan pabba.

Mig vantar að rökræða við hann um

stjórnmál
kynjamisrétti
slúðrið í Séð og Heyrt
hvernig Samfylkingin ætti að taka á þessu máli eða hinu
hvað Geir var að pæla
könnunartölurnar sem birtust í Fréttablaðinu um daginn
strákana mína
strákana hans
Hallstein minn og hvernig honum gengur í sinni baráttu við afleiðingar slyssins
slúðrið í þjóðfélaginu
heimspeki
alheimsstjórnmál
að fylgja sinni eigin sannfæringu

Mig vantar rökræðu og skoðanaskipta félagann minn

Mig vantar að viðra hugmyndir við hann

Ég sakna hans.

Rufus Wainwright

Dálítið "drama" í gangi í myndbandinu en músíkin er góð

Róleg róleg...það kemur allt með kalda vatninu

Sælir kæru félagar nær og fjær. Það er gott að búa í Mosfellsbæ eins og allir vita sem þangað villast. Því miður erum við með álíka slappt skipulag og Reykvíkingar búa við varðandi hreinsun gangstígna. Til marks um það hef ég gefið öllum glerbrotum á göngustígnum við Lágafellsskóla nafn. Ég byrja á því að heilsa Kalla og Palla á morgnana því að ef ég gæti mín ekki á þeim er hætt við að punkteri á reiðhjólinu mínu. Ég á nefnilega Trek 4900 með Maxx dekkjum. Síðan væri of langt mál að telja upp alla vini mína á þessum stutta gangstíg en þetta er komið á það stig að ég mun virkilega sjá eftir þessum vinum þegar þeir skolast burt eftir 15 ár.