Að gefa gjafir...

Sjáum nú til. Við mamma ákváðum að fara smá jólamarkaðsrúnt og reyna að finna jólagjafir handa fjölskyldumeðlimum. Það er svo gaman að gefa gjafir.

Fyrst fórum við í Ásgarð. Þar keypti hún 3 gjafir handa sér og ég keypti 2 handa mér. Þetta var bara ómótstæðilegur hestur kind kýr égtekmérþaðskáldaleyfiaðkalladýrið Muho.

 

 

 

 

 

Muho var ekki sá eini sem ég féll fyrir. Þarna var einmitt jólakötturinn fyrir íslensku jólasveinana sem ég er að safna (þessir sem Brian Pilkington hannaði). Sko kisu. Ekta jólaköttur sem étur óþekku börnin. Heyriði það unglingar? Ha?

 

 

 

 

Næst var farið í Jólaþorpið (copyrightpending á því nafni...) í Hafnarfirði. Oh.. það var svo margt flott þar. Til dæmis krúttleg eplastöng. Sem ég keypti handa mér. Til að gefa fuglunum epladesert.

 

 

 

Svo var þarna svakalega sætt jólatré. Hægt að setja sprittkerti innaní. Svo krúttlegt með jólakettinum og jólasveinunum ekki satt?

Mamma keypti sér 3 kertastjaka og eplastöng.

 

 

Síðan var haldið í Kringluna. Þar keypti ég mér bráðnauðsynleg kanilkerti til að gera jólailminn enn meiri heimafyrir. Þið munið náttúrulega eftir kransinum sem við gerðum? Æðisleg grenilykt þar en stofan er svo stór... Ég bara varð að kaupa þessi kerti.

Það er bara svo gaman að leita að gjöfum handa öðrum...