Dagurinn í dag

Í dag kom yngsti sonur heim, örþreyttur eftir útskriftarferðalag í Skagafjörðinn. Í kvöld klukkan 8 hefst útskriftarveislan í skólanum. Ég er ekki búin að baka.

Á fimmtudaginn í síðustu viku kom næstyngsti fjölskyldumeðlimurinn heim, örþreyttur eftir útskriftarferðalag á suðurlandinu. Útskriftarveislan hans er á morgun. Ég þarf ekki að baka.

Svo að núna ætti ég tæknilega séð að standa í eldhúsinu að bræða súkkulaði og smjör. Ég ætla að baka franska súkkulaðiköku fyrir drenginn til að koma með á heimagerða hlaðborðið. En ég er ekki byrjuð.

Hvað segirðu um að ég komi mér í bakstursgírinn? Já, það finnst mér líka. Einn kaffibolla fyrst. 

Og svo verður þetta einhvern veginn svona.....