Róleg róleg...það kemur allt með kalda vatninu

Sælir kæru félagar nær og fjær. Það er gott að búa í Mosfellsbæ eins og allir vita sem þangað villast. Því miður erum við með álíka slappt skipulag og Reykvíkingar búa við varðandi hreinsun gangstígna. Til marks um það hef ég gefið öllum glerbrotum á göngustígnum við Lágafellsskóla nafn. Ég byrja á því að heilsa Kalla og Palla á morgnana því að ef ég gæti mín ekki á þeim er hætt við að punkteri á reiðhjólinu mínu. Ég á nefnilega Trek 4900 með Maxx dekkjum. Síðan væri of langt mál að telja upp alla vini mína á þessum stutta gangstíg en þetta er komið á það stig að ég mun virkilega sjá eftir þessum vinum þegar þeir skolast burt eftir 15 ár.

Athugasemdir

[steinimagg, 2.10.2007 kl. 20:41]

Já bara róleg þetta rignir einn daginn í burtu.

[Kári Harðarson, 5.10.2007 kl. 21:14]

Glerbrot menningarnætur eru ennþá á leið minni í vinnuna.

Þú getur keypt dekk með "Kevlar" strimli bak við mynstrið í dekkinu.  Kevlar er sama efni og er notað í skotheld vesti.  Þetta svínvirkar.

Það eru líka til dekk með kevlar vír í stað stálvírs til að halda dekkinu föstu, en það er allt annar handleggur.

Best væri samt ef einhver nennti að sópa...